Sydney - Tusun 1

Bisi perambu deka bejalai ke Phuket baru. Mula-mula setuju. Nyi kelama udah nya anak madah suah bendar ngagai Phuket. Nyadi tukar program lalu deka ke Pataya. Tang bisi bala pangan mai ke Sydney. Nadai mayuh runding lalu berengkah meh kami ngatur planning.

Bisi dua iti cara enti deka raun bejalai meda rampa menua urang. Ngati kediri tauka ngena travel agensi. Suah bejalai luar negeri selalunya ngati kediri. Bisi sekali aja ngena travel agensi. Maya raun ke Bali. Bisi sekali agi maya Cruise ari Singapore ke Phuket, Penang lalu pulai ke Singapore baru. Pakej cruise tu mesti ngena travel agensi.

Berunding laban bisi mai anembiak engka bisi penusah mimit enti bejalai. Kami lalu setuju ngena travel agensi.

Baka tu meh gaya rintai pengawa kami ke diatur travel agensi.

 

Hari Keterubah - 1 Jun 2016 Gawai di Perantauan

Kena 1 Jun 2016, kami pan mupuk nemuai ke Sydney ngena AirAsia. Pejalai berengkah ari Airport Kuching jam 1615 ngena Flight No AK5211.

Begambar ba airport Kuching sebedau mupuk ke KLIA2.

Datai ba KLIA2 jam 1775.

Ahli rombongan datai ba KLIA2.

Ngisi stor dulu sebedau neruske pejalan ke Sydney.

Jam agi panjai. Kami sebuat ngetu dulu. Ngatur strategi.

Semaya betemu enggau tour leader ba depan Starbuck. Berandau enda lama. Besua ke tiket bilun enggau slip visa. Kami lalu ngagai kaunter check in.

Lebih setengah jam nganti edar. Taja pan baris enda panjai tang urang ke di mua kami nya check in bebala mayuh. Group check in. Bala ia nadai nganti dia. Nya kebuah baris enda panjai.

Gate 8 plan endur nama kediri ke perut bilun.

Nama meh daya flight delay. Kami sepatut mupuk jam 2340. Tang baka biasa alasan sida ia mesti "due to the late arrival of flight...." Nadai alasan bukai. 

Flight D7222 ari Kuala Lumpur ke Sydney.

Bala pelapis.

Kurang lebih pukul 1.00 pagi baru meh kami bekejang. Pejalai kami bisi ngambi awak dalam 8 jam. Mata enggai entu tinduk. Nyamai nguder bir dulu.

Aku enggau Tiger.

Gambar di baruh tu ngayan ke matapanas baru ke ngangkat kediri. Maya tu jam nunjuk pukul 5.54 pagi jam Malaysia. Gambar tu diambi ba atas menua Australia.

Maya baru datai be menua Australia

Ari pan tawas maya kami datai ba Sydney. Manah muari. Peda pasar Opera House enggau Harbour Bridge ari langit.

Sydney dipeda ari langit.

Kami datai kurang lebih 9 pagi jam Malaysia tauke pukul 11 jam Sydney. 1 jam 15 minit laun ari jam ti udah ditetapke. Pansut ari perut bilun lalu ngagai agu muai utai kamah dulu.

Udahnya ngagai kaunter imigresen. Kami menyanak disekalike maya nyua ke passport. Ba kaunter imgigresen, induk ribai ke meda pasport kami lalu nanya nama kebuah bisi Anak memagang dalam nama kami. Nyadi saut aku “Kami tu Iban. Nya kebuah nama kami bisi ngemai jaku Anak”.

Udahnya kami lalu ngambi beg. Nadai ga beleman maya sida kastam meriksa tauke scan beg kami. Semua utai ke patut di saut dalam "Incoming passenger card" udah di saut enggau betul.

Wlcome to Sydney.