Sydney - Tusun 2

Day 2 - 2 Jun 2016 Terubah Program 

Bas endang sigi bisi nganti. Kami dikumpul tour leader lalu dibai ngagai bas. Chelap sarinya laban maya nya musim winter ba Sydeny.

Undang-undang jalai menua Oz endang sigi terit. Dalam bas mesti ngena tali belulang penglikun. Dalam bas mega ditagang makai.

Fish Market

Datai ba Sydney terubah kami dibai ngagai pasar ikan tauke Fish Market. Fish Market tu digaga perintah Australia tahun 1945. Pasar ikan lumor tiga pemadu besai ba dunya.

Sydney Fish Market was established in 1945 by the state government and was privatized in 1994. It is the world's third largest fish market.

Gamal dalam Fish Market.

Nyual mayuh macham bansa pemakai ari tasik. Peneka milih. Duit aja tanya. 

Nguji meli Medium Platter 45 AUD ari Restoran Peter’s ti berimbai enggau palan makai ba luar tebing sungai. Medium Platter tu bisi undang, ketam, suntong, salad & chips serta makai enggau asi. Pemakai tu ungkup tubuh dua. Tang laban saiz perut kitai mit banding enggau perut ribai ari Oz nyadi pemakai tu ulih dikungsi tubuh tiga tauke tubuh empat.

Set makai tengahari ulih dikunsi tubuh mayuh.

Selamat Gawai...Cheers...

Sambil makai sambil ngirup ai Moscato. Cheers...

Enti nadai tu, enda entu nyadi pengawa.

Palan makai ngimbai tebing ai.

Manah gaya rampa menua ngelingi fish Market tu. Enda jauh ari palan makai tu, kitai ulih meda Anzac Bridge, jambatan ngangkat ke nama Australia & New Zealand Army Corps.

Anzac Bridge di peda ari palan endur makai ba Sydney Fish Market.

Burung pan mayuh ditu. Bala anak rindu main enggau begagai ke burung ditu.

Burung dikumbal Silver Gull antara burung ke bisi ba Sydney Fish Market.

Bala anak ngelakun nyadi model Fish Market.

Bergambar dulu sebedau mupuk ngagai palan bukai.